Gensanportal - Mindanao News Blog

  • Create an account
    *
    *
    *
    *
    *
    Fields marked with an asterisk (*) are required.
You are here: Home News Blog General Santos News Blog SOCOTECO magserbisyo! Dili magnegosyo! - BAYAN

SOCOTECO magserbisyo! Dili magnegosyo! - BAYAN

E-mail Print PDF

General Santos City – SOCOTECO II, magserbisyo! Dili magnegosyo! Mao kini karon ang panawagan sa BAYAN-SOCSKSARGEN sa padayong dili makatarunganong brownouts nga gipatuman sa SOCOTECO II sa syudad ug sa mga langkub niini nga mga lugar.

“Angay lamang nga ihunong na sa SOCOTECO II ang paggamit sa brownouts aron makahakop ug dakong ginansya ug hatagag rason ang pagtukod sa Coal-Fired Power Plant aron matud pa maghulip sa kakulangon sa suplay sa enerhiya sa mga lugar nga langkub sa SOCOTECO II” sumala ni Ryan Lariba, secretary general sa BAYAN-SOCSKSARGEN.

“Luyo sa kanunayng brownouts sa milabayng mga bulan hantud sa kasamtangan, misaka pa hinuon ang balayronon nga naangkon sa mga konsyumante. Gikan Enero hantud Mayo, misaka ang singil sa Transmission Charge sa pangkanatibuk-an nga 1.309/kw o nag average matagbulan sa 0.32725/kw, dugang pa niini ang pagsaka sa singil sa System Loss nga nikabat sa .0292/kw sulod sa lima ka bulan. Kining mga bulana usab natagamtaman nato ang kaylap nga brownouts nga mokabat sa 6 ngadto sa 12 ka oras matag adlaw sa porma nga naga brownout matag tulo ka oras nga rotational” matud ni Lariba.

Sa pikas bahin, nagtuo ang BAYAN nga gihilo-an ang huna-huna sa katawhan niining “rotational brownouts” sa SOCOTECO II aron moabli ang katawhan ug dawaton ang pagtukod ug Coal-Fired Power Plant ug posible kining bag-o karon nga proyekto sa San Miguel Corporation nga nasayod kita nga maoy pinkahugaw nga tinubdan sa kuryente.

“Sa gipahayag sa SOCOTECO II nga sa last quarter sa 2009 adunay kakayahan nga mo-prodyus ug 1,862 MW ang mga tinubdan sa atong kuryente samtang nanginahanglan lamang kita ug 1,300 MW buot pasabot anaa kitay sobra nga 562 MW.  Apan niadtong Marso, mikabat na lang matud pa sa SOCOTECO II sa 774MW ang supply sa kuryente ug nikunhod kini ug 1,088 MW. Sulod lamang sa tulo ka bulan katingad-an nga kalit lamang misaka sa 1, 400 MW ang demand ug nagkulang kita ug 100MW” matud ni Lariba.

Kanunay usab ginaduso ni SOCOTECO II General Manager Engr. Rodolfo Ocat nga kinahanaglan nga itukod na ang Coal-Fired Power Plant sa Sarangani nga ginapasi-ugda sa Conal Holdings Corporation isip hinanaling solusyon.

Matud ni Lariba, tin-aw nga usa ka “mind conditioning’ ang maong mga brownouts. Bisan niadto mismo ug sa pipila ka adlaw human sa eleksyon napamatud-an nga kaya ra nga dili mag brownout sa taas nga panahon kung gustohon lamang sa NGCP ug SOCOTECO.

Gipangusgan usab sa BAYAN nga angayang ihunong sa panggamhanan ang pagpribatisa sa mga batakang industriya sama sa enerhiya ug hinanaling ibasura sa gobyerno ang EPIRA nga maoy nag-abli ug naghatag sa mga dagkong korporasyon nga manag-iya ug maghakop ug dakong ginansya dili ang pagserbisyo.

Sa kalambigit, nag-awhag ang BAYAN sa katawhan nga mosalmot sa usa ka lihok protesta inubanan sa mga alyadong organisasyon niini karong adlawng martes alas 9:30 sa buntag atbang mismo sa buhatan sa SOCOTECO II.

 

 

Last Updated ( Saturday, 03 July 2010 16:28 )